Mellom Hovden og Bjåen står ei verna telefonlinje nær vegen. Dette var ei riksline,og samstundes ei høgfjellsline med ekstra sterke isolatorjarn og god trådavstand. 90 stolpar var restaurert i 1996 og er ein del av norsk telemuseum. Slike stolperekker stod gjerne langsetter vegane,men forsvant etterkvart som sentralane vart automatisera rundt 1980.

Den gamle høgfjellsvegen frå 1930 talet gjennomgjekk ei stor utbedring på 1960 talet. Hausten 1966 hadde ein det travelt med å få vegen ferdig får vinteren kom, og så skulle det heile oljegrusast i 1967. Og da ville ein ha kome så langt at heile strekninga mellom Byglansfjord og Haukeligrend endeleg ville ha fast vegdekke. Ein sjølsagt ting idag, men eit stort fremsteg i 1967.

På kvar stolpe kan ein lesa at dette er ei verna telefonline. I dette museet er det korkje omvisarar, souvenirbutikk eller kafeteria.