Allens hett siene Tiet
Tiet to söken, Tiet to finnen,
all'ns to verleren, wedder to winnen.
Tiet to plögen un nahst wat to seihen.
Denn kümmt de Tiet to oornten un meihen.
Tiet to vergeten, Tiet to behollen,
Tiet för de Jungen un Tiet för de Ollen.
Wenn't henpaßt to snacken,
wenn't nich paßt to swiegen.
Mal is dat to'n Högen un mal blots gediegen.
Dat Richdige doon, dat Verkehrte verkniepen.
Mal kümmt dat heel dick, mal is't blots to'n Piepen.
Tiet to'n Vertörnen, denn sick verdrägen.
Tiet för de Tranen, Tiet, sick to högen.
Tiet för dat Leven, tolest för dat Starven,
Tiet för dat Truern un Tiet för dat Arven.
Tiet för dat Lärmen un Tiet för de Roh,
't löppt allens sien ' Weg, dat weer jümmers so.
Un geiht't mal to Enn, un is dat sowiet,
denn sie man nich trurig,
hett allens sien' Tiet!
ein einfacher Tradi der an die wunderschöne Plattdeutsche Sprache erinnern soll, die leider immer mehr in Vergessenheit gerät..
trotzdem wieder viel Spaß beim suchen und finden wünscht die Hanni
