Skip to Content

View Geocache Log

Found it werner85 found Arc de Triomphe

Thursday, June 27, 2013Oberösterreich, Austria

F T F

Ja, oiso das war a so: I bin grad nu in da Firma gwesn, wie i das Publish-Mail auf mei Handy griagt hob. Naja, i muas scho nu guad 1,5 Stundn oabeitn, bis i abreißn kann. Mhhh, zoit si das aus, dass i heid nu von Kematn an da Krems nach Neifödn foa, um den neichn Käsch do zmocha?

I hab ma daun hoid so dacht, dass eh nu net so spot is und dass i eigentlich in 19Dude65 alias Joe fragn kunnt, ob ma den neichn Käsch gemeinsam mochn. Wisst Leidln, da Joe is sowieso immer und überall dabei. Dem is genauso wie mir nix zbled. Guad, um 5i hab i erm daun in Linz oghoit und daun samma a halbe Ewigkeit do auffi gfoan nach Neifödn. So genau hab i net amal gwusst, wo denn Neifödn überhaupt is. Oida, de wohnan ja am Ende der Wöd.

De 6i Nachrichtn hauma nu ghert im Radio von unsam Käschmobü, oba daun samma los gstartet. Beim Tennisplatz hauma an super Promiparkplatz griagt und von dort samma bei schen Weda glei moi zum Buargamasta gaunga. Da schwarze Buagamasta is um de Zeit scho laung hamgaunga - der is do sicher scho am Feld ockan gwen. So samma halt daun durch Neifödn flaniert und i muas echt sagn, dass de 1280 Einwohner - Gemeinde echt a schens Dörferl is. Coole, oide, schene Heisa haums, fesch zaumgricht ois und für de Einwohner gibts vü Freizeitmöglichkeitn. Des hot a gaunz guad gmacht, da schwarze Buagamasta und sei Gemeinderat.

Jo, so san da Joe und i halt olle Stages brav obgaunga und mia haum eigentlich ois ganz fesch und rasch gfundn. Bei da Schnecknpostzentrale dürft da Owner zwoa a weng farbnblind sei, oba nachdem er uns eh a Gegenkontrolle in sei Listing eibaut hot, hauma de Farb vom Kastl hoid a weng darotn. Wo de Kastl husthust is, PPete, das zagst ma bittsche amoi. Cool und scho hauma olle Stages im Ort eigsammit ghabt und daun samma scho zur Seine obigaunga. Is ja gar net wahr, de Seine is ja in Nord - Frankreich. PPete, do miasma in Geografie a amoi a weng was nachhoin, goi! Ja, waun da Owner das so will, dass des de Seine is, daun samma halt zu sein Stausee obigaunga und haum dort a nu de Stages bsuacht und glöst. Beim Bankerl hauma daun zum Rechna und zum Peilen augfangt. Das hat a ganz guad hinghaut, wei des kinnan ma ja scho. Da Joe mit seine 4.100 gfundenen Dosn (Dosnfetischist?) und i mit meine fast 2.000 gfundenen Dosn, do hauma das auf Grund unsara Erfahrung scho hibracht.

Wia ma daun beim Final aukumma san, is zwar nu a Muggle-Fischer a weng suboptimal do gstauntn, oba der woa eh so auf seine Fisch fixiert, dass er des goa net mitgriagt hat und schwups, scho hat da Joe de Dosn in da Haund ghabt.

Juhuuuuuuuu und mia woan durch Zufall sogar de Erstn!

Liaba Owner, i sag an recht an schen Daung fia de coole Ortsrundführung, für de tollen Stages und für´s Vasteckn von da Dosn. I gib da do für dei Oabeit gern an Favoritnpunkt.

TFTC - gemeinsam mit 19Dude65, 27.06.2013, 19.20 Uhr

F T F

This entry was edited by werner85 on Friday, 28 June 2013 at 22:46:00 UTC.

infoA multi-cache ("multiple") involves two or more locations, the final location being a physical container. There are many variations, but most multi-caches have a hint to find the second cache, and the second cache has hints to the third, and so on. An offset cache (where you go to a location and get hints to the actual cache) is considered a multi-cache.
Visit Another Listing:

Advertising with Us

Return to the Top of the Page