Here is the cache. Please be gentle with this little fellow. If he does happen to come unstuck or if an ear falls off would you just put it in the box and let me know in the log and I will come and administer to him. Thanks very much. Thanks also to peigi for making him.
To a Mouse.
Wee, sleekit, cowrin, tim'rous beastie
O, what a panic's in thy breastie!
Thou need na start awa sae hasty
Wi' bickering brattle!
I wad be laith to rin an' chase thee
Wi' murdering pattle!
I'm truly sorry man's dominion
Has broken Nature's social union
An' justifies that ill opinion
Which makes thee startle
At me, thy poor, earth-born companion
An' fellow mortal!
I doubt na, whyles, but thou may thieve
What then? poor beastie, thou maun live!
A daimen icker in a thrave
'S a sma' request
I'll get a blessin' wi' the lave
An' never miss't!
Thy wee bit housie, too, in ruin!
Its silly wa's the win's are strewin'!
An' naething, now, to big a new ane,
O' foggage green!
An' bleak December's winds ensuin,
Baith snell an' keen!
Thou saw the fields laid bare an' waste
An' weary. winter comin' fast
An' cozie here, beneath the blast
Thou thought to dwell
Till crash! the cruel coulter past
Out thro' thy cell
That wee bit heap o' leaves an' stibble
Has cost thee mony a weary nibble!
Now thou's turn'd out, for a' thy trouble
But house or hald
To thole the winter's sleety dribble
An' cranreuch cauld!
But Mousie, thou art no thy lane
In proving foresight may be vain
The best-laid schemes o' mice an’ men
Gang aft agley
An' lea'e us nought but grief an' pain
For promis'd joy!
Still thou art blest, compar'd wi' me!
The present only toucheth thee
But och! I backward cast my e'e
On prospects drear
An' forward, tho' I canna see
I guess an' fear
Listen to To a Mouse on You Tube