Turistane som budde på Dalen Hotell drog på utflukt til Ravnejuv
med hestetransport opp Eidborgbergi og vidare fire kilometer inn
mot Ravnejuv. Her kunne dei overnatte og ta turen ned dagen etter.
Denne vegen var kommunal. For folka på Omdalsgardane og Gøytil var
dette den einaste vegen fram til kyrkje i Eidsborg og
kommunesenteret som da låg i Lårdal. Vegen gjekk og vidare frå
Omdal til Nesland i Vinje. Heilt fram til midten av 1950-talet
var vegen i full bruk.
Folk som budde i grendene her hadde dårlig veg heilt til
"Tokkeeventyret" (kraftutbygginga) bygde veg på slutten av
1950-talet.Før den tid måtte folk ta seg fram til Eidsborg langs
den stien som går frå Ravnejuv til Bjåen. Denne stien er godt merka
som tursti både frå Bjåen og frå museet i Eidsborg.
Jarand Reffelbrekk i Eidsborg var ein av dei som arbeiide for å
få stikka veg her på slutten av 1890-talet. Han laga eit langt dikt
som sto i "Bratsberg Amtstidende". Her er eit par verseliner:
"Å Gøytilsgardane æ gode, vene men vegen til dei er fælt så
klene. Og folkji lengtar so mang ein gong ette nye veg som di
sårleg trong.
Ja, Amt, Kommune, - de lyt kon høyre me be om veg so me kan
få køyre om Ramnejuv å om Omdal hen te den nye vegen gjennom
Eidsborg grenn."
Cachen ligg i tuftene etter sommerhotellet som sto i vegkanten
her. Det er ein sylindrisk boks med logg, blyant og nokre små
bytteting.