Seljord kyrkje står på Vallarhaugen i utkanten av Seljord sentrum. Historia fortel at det sto to steinkyrkjer her ved sida av kvarandre. Dette er ei kvitkalka steinkyrkje i romansk stil bygd på midten av 1100-talet, vigsla til Heilag-Olav.
Våpenhuset er delar frå ei lita stavkyrkje som blei flytta frå Nordbygdi i Seljord på midten av 1600-talet. På vestveggen der våpenhuset står er det teikna opp mønster av ein pilegrimslabyrint med 11 ringar. Det er og teikna inn to skip her. På nordvestre hjørne er det hogge ut eit andlet i granitt. Det skal vise høgdemålet til heilage Olav. Han vart kalla Olav digre og må ha vore svært høg - ettersom høgda her er noko over 2 meter.
Inne i kyrkja finst ei restaurert altertavle med årstalet 1588. Ho er ei av dei eldste altertavlane i landet.
M B Landstad var sokneprest her på midten av 1850åra. Anne Grimdalen har laga skulpturen av han som står ved Seljord kyrkje.
Cachen er en liten rund boks som inneholder logg/blyanter og små bytteting