Un nu hier datt passende Dönken to disen besünnern, andächtigen Ort:
Antonius häff holpen!
Du,
hör es to....ik mut di äben wat vertälln:
watt Kathrina passert iss....
näää, nix schlimmes....inTeggendeel!
Leste Wäke ha se ährn Schlöttel verlorne....efak wech!
Se häff öwerall socht...dat ganze Huus häff se up denn Kopp stellt...nix!
Denn Jans natürlich ant deibeln:....watt ähre Schusselichkeit nich alle för Folgekosten hadden....de Schlöttel vant ganze Huus mochen doch utwesselt wärn....ker, wat ne Not!
Kathrina bie Tante Thea annerop:
Nä, dor was denn Schlöttel ok nich,awer Kathrina soll doch es mol ton Hl. Antonius bääden...de was doch doför toständig, Saken wär te bräggen.
Dat häff Kathrina dann ok forts done:"Hl. Antonius hälp mie söken, dann will ik die ok ne feine Kerste anzünden"
Dat Wunder passern!
Keene halwe Stunde läter find se denn Schlöttel inne Jackentaschke,wo se sicher all 3 mol nokäken ha...Chott dank!...oder bäter Hl. Antonius sien Dank!!
Se hölt är Verspräken und fietzt mätte Fietze non Langen Diek to de Kapelle üm ne Kerste antestääken.
Wo se awer wär ute Kapelle kümp süüt se, dat ähre Fietze klaut was....
Wech!
Un wat mäk dat Kathrina? Ja - ha....de rennt wär inne Kapelle, pustet de Kerste ut, un säch:
"So geht dat ja nich, Antonius...."
Se mät Wut in Kopp no de Polizei, denn Fall up Papier bracht...so met Ort, Tiet, Rahmennummer, un so...
at sick dat gehört.
Obens krich se awer doch en schlecht Gewetten,wegen dat se denn Antonius de Kerste wär utpustet häff.Schließlich konn he dor ja nix för, datt de Fietze klaut wodde, un bie denn Schlöttel ha he ja holpen...
Se konn de ganze Nachte nich schlopen. Nächsten Dach fört se fortz met Jans siehne Fietze wär no de Kapelle, üm dann för denn Hl. Antonius ne neje Kerste antezünden...(düt mol häff se awer de Fietze affschlotten)
un wat meenste, wat dann passert?
Dat tweede Wunder!!! Wär nen Dach lääter, reep de Polizei an: de Fietze was wär dor!....se lach iin Stadtpark inne Rabatten ....efak so.
Saken gifft?!!!
Ja, Löö, awer no secht doch söis: Wann sik DATT rümkürt... ja watt men ii dann wall, wat hier anne Kapelle los iss?
Ach jo, noch watt:
För
GOLD
SILBER
BRONZE
lich Warktüch för ne feine "Löchte" inne Döse
full Spass dormet!!
