Wos a Woiperdinger is, glaub i brauch ma ned erklärn,
des wois a jeder und ders ned wois soi auf da Gmoa (Gemeinde) nochfrong.
Bei uns in Pförring, so sogt ma, lem Woiperdinger.
Genau do in dem Auenwoid,zur Donau hie.
Mia hom sogar an Club der Woiperdinger und sogar a Woiperdinger Bier gibt’s.
"Wolpibier"
Mia hom den Käsch glegt, um eich de einmalige Gelegenheit zu gem,
a so a Viech vielleicht zu seng.
Ma hod a scho etliche Versuch gstartet,um oa zu fanga,aba de Viecha san so schei,
dass es no koam glunga is.
Aba vui dat des a net bringa, wei da Woiperdinger ned in Gfangaschaft lem ko.
Desweng gibt’s de Viechal a ned im Tierpark.
...sei Versteck,vielleicht is a do?
Vielleicht glingt es a oan vo eich, oan zu fanga.
Hier no einige Tipps: Ma muas olawei in da Nacht geh.
A Kadoffesock mitnehma,Kerzn und 3 oder 4 Semmeknedl.
A Woiperdinger frissd nämli für sei Lem gean Semmeknedl.
...ja do vareck,do kimd ja oana raus!
Oiso, wenn ma glaubt, das do so a Viechal sei kannt,
dann steckt ma schnei de Knedl in den Sock und leicht mit da Kerzn in den Sock nei.
Da Woiperdinger siecht des dann bessa und denkt se:
"Uii Semmeknedl, de dama jetz schmecka“und lafft in den Sock nei.
Dann macht ma den Sock schnei zua.
De Schansen stehna bessa bei Vollmond und vor allem wenn no a Jungfrau dabei is.
Andere song wieda ma muass eam a Soiz aufn Schwanz strahn,des sei de beste Methode.
Mei gei, gred werd vui.
....jetz is a do
Oiso, versuchts eier Glück, wiaz des machts überlass ma eich.
Aba es glangt a scho wenns eich blos ins Logbuach eitrogts!
Wir hoffen unsere nicht bayerisch sprechenden Cacherfreunde finden einen Dolmetscher.