![]()
D'Minette-Seelbunn Doihl-Rodanger Schmelz war eng Seelbunn, déi Minette vum Concasseur am Doihl op d'Rodanger Schmelz transportéiert huet. Si ass vun der Firma Adolf Bleichert vu Leipzeg gebaut ginn an de 15. Mee 1880 a Betrib gaangen. Déi domoleg Längt war 1.750 Meter an huet 34.908 Reichsmark kascht. D'Buggien haten 2 Lafrieder an d'Këscht huet 0,5 Kubikmeter gefaasst.Den Doihl (prononcéiert Duel) war en Deel vun de Minièrë vun der Ougrée zu Rodange tëscht dem Duerf selwer an dem Fond-de-Gras.Um Doihl stoung de Concasseur vun der Minière, an d'Verluedestatioun vun der Seelbunn vun der Rodanger Schmelz.An der Minière gouf et eng Galeriesverbindung, déi vun der Rodanger Säit bis op gefouert huet. Déi Transportstreck ass 1.400 Meter laang a gëtt elo vun der Minièresbunn benotzt.