Har du teke cachen ved rasteplassen ved vestre enden av Jordavatnet, kan du nyta ein god tur ved å gå vidare opp hit. Like sør for rasteplassen deler stien seg. Der skal du følgja den kraftige stien som går nokså bratt opp lia og som går vidare over til Svartavatnet og Nordvik. Eit stykke oppe tek du av til venstre (sjå waypoint) og går på ein mindre tydeleg sti opp ei sørvestleg hellande skråning. Deretter kryssar du i nordaustleg retning over eit flatare landskap. Vel framme får du gevinsten: du får nyta eit flott utsyn. Her er det eit lite berg å sitja på, og såleis ein ypperleg stad for ein rast.
Ein tur til denne cachen må gjerne kombinerast med cache GC 4D00Q som ligg vidare innover langs stien mellom Jordavatnet og Svartavatnet.
