Mange reiser til holmen sommarstid for å bade eller ta ein piknik.
På den eine sida av holmen kneiser ein bratt fjellvegg. Her er også sjøen 100 m djup, så pass opp for stupet! På den andre sida (mot Vinnes-sida) er det langt grunnare, og fint å bade nokre stader. Her er det også ei lita flytebrygge ein kan fortøye båten til.
Tidlegare blei Skåtholmen brukt som sommarbeite for sauer, men no er holmen, slik det er mange stader i Noreg, i ferd med å gro igjen.
Hugs at det ikkje er uproblematisk å ta seg ut på fjorden i småbåt i allslags ver. Ta veromsyn og bruk redningsvest!
