Mange ville vekstar kan nyttast i matlaginga. Vi kan vel seie at ville vekstar på Frøya er økologiske; dei veks i rein luft, dei er ikkje gjødsla eller sprøyta. Og sjølv om dei veks i vegkanten, så er trafikken så liten at dei ikkje er forureina av eksos. Ein vekst vi kan finne langs vegen eller i gamle hagar, er skvallerkål, Aegopodium podagraria. Nokon meiner at det var munkar som hadde med seg skvallerkål som mat- og medisinplante til landet. Andre namn på planten er tysk kål, herrekål, prestekål og embetsmannskål. Dette indikerer at det var ”dei finare folka” som først fekk denne planten i hagen. Det latinske namnet tyder på at den vart brukt som medisin mot podagra (urinsyregikt).
Skvallerkålen er næringsrik og inneholder fleire antioksidantar og mykje C-vitamin. Plukk dei første blada som kjem opp om våren. Dei har ein lysegrøn og fin farge og er ikkje seige. Dei kan brukast rå i salatar, eller forvellast til suppe og stuingar. Ein kan og laga grøn pesto, der basilikum erstattast av skvallerkålen. Billig og sunt!
Matpakka er en cache-serie som tar for seg mat og matkultur på Frøya i fortid og nåtid.