A Ponte do Burgo está situada na desembocadura do río Mero e une dúas parroquias: O Temple (no Concello de Cambre) e O Burgo (no Concello de Culleredo).
Durante moitos anos a súa construción foi atribuída aos romanos, mais non existe ningún indicio que nos faga poder aseguralo. Actualmente, a súa orixe adoita datarse na Baixa Idade Media, aínda que a ponte hoxe en día é unha reconstrución. Isto débese ao seu derrubamento no ano 1809 durante a Guerra da Independencia, sendo voado polas tropas inglesas para evitar a chegada dos franceses á Coruña. Máis adiante sufriu o abandono e foi restaurada a finais do século XX.
No medio da ponte podemos observar a división entre concellos, grazas aos seus escudos. Ademais, nas proximidades podemos ver a Igrexa Parroquial de Santa María do Temple e o Paraugas.
O caché está colocado no Concello de Cambre e o escondite ten unhas vistas perfectas da ponte.