Auso zersch mau, tschou zäme.
I bi ja weis Gott ke Sibäsiech im cäsche u genau us däm Grund frage i mi scho chli, wärum usgrächnet i so ne cheibe schwäre Jubi mues publiziere.
Aber janusode, machenis haut.
DiMaSh si ja so richtigi Spitzbuebe, ou exgüse, Spitzfroue si ja o derbi, u därum hani mau äs Rätsu gmacht, woni säuber nid weis wies geit. Auso schicket mer eifach keini Imeil u fraget mi nüd.
I säuber probiere eifach immer, öbi im Internet irgend ä Hiwis finge. Dört gits dr Dr. Güggu da seit eifach immer: " Lueg im Feisbuk oder bi veimo, fingsch sicher öpis.
Seit mir dä fräch Siech ono i sig ä Schluch! Würkläch! er hät gseit: "du schluch" zwar uf matteänglisch aber i bi ja ke Tubu u hanä dänk scho verstange.
Ä angere het einisch gseit, nimm eifach aui zahle u rächne mau 7000. Gigu, das isch eifacher gseit aus gmacht. I rächne lieber mit der Wurzlä us 3 mau Pi weniger d' Ärdaziehigschraft.
Himurieme - Itz bini verruckt u briche di Übig ab. Viu Spass u tschou zäme