The cache is not at the listed coordinates. You need to familarize yourself with the story and Tai Po in order to find the cache. Unfortunately only Chinese version is available. Since it is a 24x7 cache and there are full of muggles at the daytime, you are recommended to search the cache at midnight and travel to the GZ by red minibus for more enjoyable experiences. The listed coordinates are the most appropriate point you get off the red minibus.
Episode 18...
此時，中年男子也站了起來，向大家問道: ｢大家有無咩諗法……?｣
眾人無話，包括眼鏡青年，也都只是眼睜睜的看著他，中年男人見沒人回應，唯有獨自死橕下去:
｢對方究竟係咩人? 點解要用果首咩野space…odd…odd，唉，即係果首歌啦，點解要用果首歌黎同我地講野? 唔通對方就好似歌詞講一樣，係太空入面漂浮，想我地去救佢?! 唔通…佢就係果個咩major tom? 無可能! 對方既目的，會唔會真係只係求救咁簡單?......由佢唔講野而要用摩斯密碼，到唔打s.o.s而要用help，到家陣唔直接同我地講野，剩係識用啲例子答我地，咩space oddddy，大家唔覺得，好奇怪既咩?｣
說罷，中年男人似是想我們回答他一樣，停頓了下。
其實，我很想跟他說，他想到的，在座的毎一個人也同樣想到，用不著一想到什麼，就衝出來不斷的裝領導。
反而，我倒想聽聽聰明的眼鏡青年，會有何見解。
只見眼鏡青年托了下眼鏡，感慨道:
｢…完全唔make sense，呢一切一切都完全唔make sense。無錯，既然對方求救，點解唔直接講出黎，而要攪咁多野? 係呢一刻，我什至唔清楚，到底space oddity係唔係同背後既迷團有關? 定還是，只係對方想講出黎，誤導哂我地——?｣
我即時插話: ｢——嗯，所以你講緊，呢個有可能係陷阱?｣
眼鏡青年點點頭:
｢…無錯，的確有咁既可能，但如果佢係陷阱，對方會係咩人? 唔通，就係你所提及過既防毒面具人? 只不過，如果佢真係一個陷阱，點解要攪得咁隱瞞呢? 想做陷阱當然係想trap我地，得到某種好處，但宜家佢連自己既exact location都講唔黎，只叫我地去rescue，我覺得，呢個唔似係陷阱。｣
嗯嗯，的確有理，我點著頭，以表認同；眼鏡青年繼續說:
｢——防毒面具人究竟係咩人，我地到呢刻都唔clear；佢地到底係奸定忠? 善意定係惡意? no idea。係呢個大前題下，我地出唔到任何結論，更無辨法証實到佢地同呢個神秘電話有咩關係，定還是完全無關。｣
中年男子答道: ｢即係有可能，打電話既人，係第三者，係一個新既，完全未知既人?｣
眼鏡青年點頭，道: ｢無錯，個人黎講，我係偏向於呢個possibility—｣
說罷，眼鏡青年瞟了瞟手上的碗錶，回頭向茶餐廳內側的廚房方向看了看，搖搖頭道:
｢唔得，完全分析唔到………入去整少少野食先—｣
聽罷，中年男子立即一臉開心的說: ｢食啊食啊，你黎左咁耐都無食過野，我地呢度好FREE架，自己入去整就得，我地都係咁。｣
說罷，中年男子｢吃吃｣笑了一下，看著眼鏡青年消失在廚房與廁所間的通道中。
我皺起眉頭，對眼鏡青年的分析有點兒失望。
的確，也許我對他是過於期待，畢竟，現在所知的事情也少之又少，無法作出全面有理據的推斷，也是人情常理。
想著想著，我也覺得有點餓意；我看看自己電話上的時間，｢5:30｣，原來我們已在追裡待了兩個半小時；除了那幾個雪芳蛋糕外，想起我整天也沒吃過什麼東西，難怪肚子會突然餓了起來。
我離開坐位，走到茶餐廳前方，於收銀台旁邊的麵包櫃上，取了兩片蘋果批，站著吃；這蘋果批算是這茶餐廳的｢鎮店之作｣，門外玻璃窗上都貼滿了對此蘋果批的介紹，各路混飯吃的所謂｢美食家｣也來說一句好吃。不過，似乎是沒有廚師烤出新的蘋果批，這些都已經放了一整個晚上的蘋果批都冷掉了，吃起來特別覺得硬。
我咬著不太好吃的蘋果批，佇足在玻璃窗前，看著街外境色。
......
Do you know where they are? The cache is located in the same street. Follow the hint and you will find the final GZ.
No spoiler information please.