Gröönkohl kaaken
Ahn Mengenangaben, denn je fökener he upwarmt wart, üm so beter smeckt he. Also: jümmer rieklich kaken!
Den Kohl von‘n Strunk strippeln. Dat Hart ganz laten. Groff snieden und goot waschen. Mit kaken Water öbergeten or kört upkoken. Dat Water wegdoon.
Den Kohl in een grooden Kaakpott mit veel Zwiebelringe un Sölt inschichten. Mit Knakenbulljon upfüllen, Buukfleesch or insölte Swiensbacken babenup leggen un kaken (veele Stünnen).
Een Stünn vör’n Äten Habergrütt to’n Binnen togeben. Uk noch Bräbenwuss un Pinkel mitkaken! De Pinkel vörher mit een Nadel insteken, daarmit dat Fett un de Gewürze in’n Kohl öbergaht. Dat kann’n sik sparen, wenn Pinkel in een Linnenbüddel füllt is.
Dütt Äten mutt vör Fett glänzen – denn ist dat richtig!
Bi’t Äten Semp und den Kööm nich vergeten!
De Kohl wöör fröher een Sönndagsäten, weil he alleen kaken dä, wenn de Familie in de Karken wöör. „Alls wat Kohl heet mutt üm Achte kaken!“ sä us Oma!
Hier findest Du einen Hinweis für den Gröönkohl-Bonus (GC4WJH8)