Etz is des doch dem Flash&Co eigfalln, dass mer des Werschoffer Treffen verlegn müssen, damit die Si von Ansirima a wos drinkn ko und des net so weit hoam hot, so hatter gsocht. Ganz öffentlich hotter des gsocht.
Etz, wer den Werschoffa Treff kennt, der woas jo wos auf en zukimmt.
Spiele und a Verlosung, vill loacha und vill Tipps und Anegdodn hern, ihr wisst scho.
Abber a Hindernis müss mer scho eibaun. A Passwort brauchter desmol damidder des Los für die Coin gricht. Schaut bei di Waypoints dann habter alles wasser braucht. Abber rennt net glei los, des leg mer erscht nei, wenn des Event is.
Guat. Weil mer jo immer mehr worn sin hommer uns denkt mir song eich glei, wosser essen kennert, dann kenner mir widder den Wirt vorworna.
Do geberts also und bei ollm wos warm is, is des mit am Solod vom Büffe
Lende mit Spätzle odder Pommes für zehnfuchzig
Sauerbrodn mit Knedel für achtneunzig
Kolbsbrodn a mit Knedel a für achtneunzig
a Schweizer Schnitzl, des mog die Si, mit Pommes für achtzwanzig
dann hätt mer no an Schnitzel mit Pommes für siebenzwanzig
und a Schweinerückensteak a für siebenzwanzig.
Für die Kloan hätt mer a Kinderschnitzel im Angebot für sechszwanzig
und wer wos Kalts mog ko an Wurschsolod für vierfuchzig oder a Poar Greicherte für dreifuchzig hom.
no, läfft eich soch es Wosser im Mund zamma???
Etz wenne eich umeldet, dann sochts holt glei wasser essen wollt. Zum drinka giabs gnu.
Plotz is für neinzg Leitli, mol schaun, ob mer so vill wern.
Neue Gsichter sehn mer gern. Mir frein uns auf eich und ihr wisst ja, wer zu spät kommt, den bestroft des Lebn mit der Warteliste ...
So, grißen denna eich die Ansirima und der Flash&Co (der an allem Schuld is, wenns wos zum meckern gibt)
Ach ja, nomiddoch umma finfe fannge mer oh (17:00 Uhr) und wenner wissen wollt, wie langs denn dauert, dann däd i amol song, mir bleim, so longs uns gfällt und wenns nimmer schee is, dann ganga mer ham. (Odder wenn uns der Wirt vorher nausschmeißt, dann misse mer a gen. Abber i glab, des bassiert net) So, nun noch mal ganz deutlich für Alle: Beginn: 17:00 Uhr Ende: offiziell um 00:00 Uhr (aber ihr werdet deswegen nicht raus geschmissen)