Trollholene
Trollholene ligg i ein liten ”kvæv” innafor Lomekilen, i Kilegrend, som er ei bukt ved det austre utlaupet av Fyresvatn. Desse karakteristiske holene vart forma i slutten av istida då ismassene smelta og landet etter kvart heva seg.
Holene er sprengd og grave ut av vatn og is. Den fyrste gudstenesta vart halden her i 1911. Folk skal ha kome i hopetal til messa i robåt over vatnet. Seinare fylgde ei pause i messene fram til 1988. No er gudsteneste i holene blitt ein årleg tradisjon.