Breidablik bygdemuseum Traditional Cache

Den idylliske Sandsøya er fin å sykle på, kva med å kombinere ein sykkeltur med å finne cacher rundt om på øya? La bilen stå igjen på Larsnes og ta ferga over til Voksa.. der du finn den første cachen og kan sykle vidare til Sandsøya :-) ( kan såklart bruke bil med :-P)

Breidablik bygdemuseum ligg ved Øvstevegen på sørsida av Sandsøya.

Huset er den gamle skulen som vart bygd i 1898 og som heitte Breidablik skule. Då ny skule vart teken i bruk i 1962 kom huset i privat eige, men vart i 1996 gitt til Sandsøy og Voksa sogelag.Her er samla ein god del bruksting, bilete, skrifter og innbu frå eldre tider.

Museet er ope søndag ettermiddag om sommaren. Det er då også høve til å få seg kaffi, vafler og is samstundes som ein kan støtte laget ved å kjøpe lodd i ein tombola laget har gåande.

Utanfor museet er det sett opp eit lite "anneks" der det er utstilt ein utstoppa bukk som høyrer til villgeitstammen som held til på Sandsøya.

Rett ved bygninga er det ein parkeringsplass, som du kan parkere på mens du leiter etter cachen, som er ved parkeringsplassen.. ikkje i sjølve museumsområdet. Cachen er ein liten boks med nokre bytteting, ei notatblokk og blyant