Setesdalsmuseet IKS har sidan 2005 vore eit interkommunalt selskap eigd av kommunane Bykle, Valle, Bygland, Evje og Hornnes og Iveland, samt Aust-Agder fylkeskommune. Driftsselskapet er eit konsolidert museum, og har ansvar for forvalting av samlingane og drift av anlegga etter avtale med eigarane.

Museet har til saman 17 anlegg, med 67 antikvariske bygningar - og 2 administrasjons-/utstillingsbygg av nyare dato.

Det opphavlege Setesdalsmuseet vart stifta 9. juni 1938 som eit samarbeid mellom dei tre øvste kommunane i Setesdal; Bykle, Valle og Bygland.
Meir om museet sin historie.

I tillegg vart det i 2005 etablert eit anna selskap under namnet Setesdalsmuseet eigedom IKS med eige styre  . Dette selskapet er formelle eigarar av dei anlegga og gjenstandane som det opphavlege Setes-dalsmuseet åtte før konsolideringa vart gjennom-ført, dvs. samanslåing av alle museumsanlegg i regionen til eitt selskap i 2005. Eigar er kommunane Bykle, Valle og Bygland. Andre anlegg har vertskommunen som eigar, med unnatak av Iveland og Vegusdal bygdemuseum som vert eigd av museumslaget.

Verksemda er organisert som eit IKS med styre  og representantskap  der alle eigarane er representerte. Museet har 11 tilsette fordelt på i alt 7,6 årsverk.

Museet tilbyr eit variert utval av ulike typar utstillingar, og har eit breitt tilbod av pedagogiske opplegg til born og unge. Samla besøkstal for anlegga er ca. 15000 pr. år. Museumsstatistikk.