Nua kan Stress ... Traditional Cache
PPJoe: Möchte den Cache hier nicht mehr platzieren ... werde ihn an einer besseren Lokation wieder aufleben lassen.
-
Difficulty:
-
-
Terrain:
-
Size: 
(small)
Please note Use of geocaching.com services is subject to the terms and conditions
in our disclaimer.
... drum huck di nida und lås lei lafn.
Kum nua her wen's Wedda sche is, dånn gibs ka Låckn und es is a net oaschkålt. Und net in da Nåcht, da siagst jo nix. Da is a ka Raan iba den triaba muaßt und umanonda stochan muaßt a net. Werst a net klan da biessn werden. A Földstecha is sicha ka schlechte Såch, damit de Karawanken bessa siachst. Dei Kragsn kånst glei bei da Rei parkn und du brauchst net weit tscherfln. Kannst a dei Gantschn mitneman.
Is de Bånk bsetzt brauchst kan Krahle håben, tua se net glei stampern oda sekkiern, kånnst di ja zuawehaun und mitnond a bissal ratschn. Wiard scho ka Potukl oda a Pissgurn san. Tuast hålt a bissal gaudln mit Senan. Is åba neamt då, setzt di nida und frei di wenn a påår Pleamlan siachst. Måch auf deine Urwaschl, dann kånnst a de Vegalan hearn. Wenn dei Klampfn oda dei Maulpfeifn mithåst, spül a Liadl oda du tuast hålt anfåch nua a bissal nopfazn.
Dånn schau di um und suach de Pixen. Tua net motschgan, schauggst hålt a bissl genaua, vielleicht brauchst åba a ane neichn Kokulore. Wånn glabst du waßt wo se is, sei ka Scheißa. Mabittegoaschen werst wohl dazuakumman. Heast, wånns gråd ums oaschleckn se nit ausgeht setzt di wieda nieda, auf de Bånk und denk nåch.
Wånns ums vareckn net zu findn is, ruafst hålt wen ån, damit net umasunsta då wårst. Wenn des a net hülft is hålt bled glåfn, is a ka Blamasch. S'gibt eh åle Rit irgenwo an Neichn.
Wånn se dånn håst, net mit Gwålt und måch dein Kratzl eine. Kånnst a wås tandln, åba ka Krafl. Dånn tuast se wida zruck, oba åls a Gånza und tua nix fawurschtln.
Wast e, wia gsågt, erst jetzan kånnst juchatzn, wanns mehr sads kennts eich a hålsn. Und sågst dånkdaschen zur Bånk, füa was a imma.
Håts da gfålln låß a Schleifal då ... håts da nia nit gfållt, brauchst net sempan, bist selba Schuld.
AhJo, befua is vagiß, då gibt kan FTF zu holn, sondan nur an First to SlowDown (F2SD), an Second to Relax (S2RX) an Third to Enjoy (T2EY) und vüle Meglichkeitn füa a Power-Napping, wia ma so sche Neideitsch sågt.
Happy Relaxing.
[Initial Equipment: de Tschreapn sölbst, a Biachl, a Blei und wos zum Tandln]
F2SD: Ente56 & iluap03
S2RX: geibl & aselesi
T2EY: Bodobande
Additional Hints
(No hints available.)