Este multicaché parte do Porto de Santa Cruz, na parroquia oleirense de Liáns.
Entre os seus atractivos destaca o Castelo de Santa Cruz, situado nunha illa e que serviu orixinalmente de defensa da ría da Coruña xunto aos castelos de San Antón e San Diego e a outras pequenas baterías. Actualmente é a sede do CEIDA (Centro de Extensión Universitaria e Divulgación Ambiental de Galicia).
Nun lugar con moi boas vistas do castelo atoparedes a primeira etapa, onde teredes que buscar un envase que contén as coordenadas finais.
Desde o final deste paseo parte unha senda pola beira do mar que leva ata o Parque das Galeras, unha ampla zona verde situada en Bastiagueiro cunhas preciosas vistas da ría coruñesa.
O paseo desde Santa Cruz até a localización final leva aproximadamente uns 10-15 minutos.