Eine kleine Liebeserklärung an unseren schönen Heimatort Neuhausen. Verfasst hat sie Erich Schmidl in einem tollen Gedicht und wir finden, das es wunderbar zu unserem Cache passt.
Es ist ein ganz normaler Drive-Inn-Tradi, man darf hier aber gerne auch ein wenig verweilen.
Nun wünschen wir Euch viel Spaß beim Lesen und Suchen.
Team simyan
"S' Bänkle"
Jedem sen aus seinem Lewe
jene schlemme Täg bekannt,
was mer oregt, goht danäwe,
d' Muck stehrt oim an de Wand.
Deine Kenner heile, trutze,
mitm Nochber hasch en Streit,
selbst dei Weib kosch net verbutze,
d' ganze Welt lebt der z' leid.
Mer hat gnug von dem Verseckle,
on e Meisle macht mer sei,
in em Lechle sich versteckle,
on nix here von dem Gschrei.
Grad so isch mers neilich gange,
"Jetzt steht mers bis owe ruff"
häb i gsagt, "Jetzt ko mers lange,
steiged mer de Buckl nuff!"
Owed wars, so gegen sechse,
s' Weib hat d' Bettflesch gfillt fir d' Nacht,
d' Sonn war grad am Versteckle,
als i mi uff d' Socke gmacht.
Durch de Zenke ben i gschritte,
an de Ziegelhütt vorbei,
do hen se alle Fueder gschnitte,
nirgends war mehr Kennergschrei.
An em Haus war d' Diere offe,
heidenei, hats do fei gschmackt,
mir isch's Wasser zammegloffe,
die hen gwieß e Kottlett packt.
Vorbei am Kirchhof ben i zoge,
heb an manche Nochber denkt,
die mit mir, des isch net gloge,
manches Viertel gluggert hend.
Ganz von selber, ohne gschobe,
heb i an sei Ende denkt,
on für sei Seeleheil da owe,
ihm a Vaterunser gschenkt.
Schließlich war i aus en Flecke,
wos zum Katzenbuckl goht,
wo sich Bisch on Danne recke,
on a kloines Bänkle stoht.
Weit war i jo no net glaufe,
doch so schee isch des Plätzle do,
"kannsch e bissle jetzt verschnaufe",
heb i denkt on hock mi no.
Leit, isch mir do's Herz uffgange,
Herrgott isch des Derfle schee,
griene Bisch, Wald, Wiese, Danne,
ringsherum on uff, de Höh!
D' Heiser on au d' Strosselichter,
hen sich in de Mulde duckt,
blos de Kirchturm, oser Wächter,
hat uffs Dörfle ronnerguckt.
So wie d' Gluckere ihre Kloine,
onner ihre Fliegel nimmt,
so hennt Heiser, d' Ställ on d' Scheire,
sich an oser Kirch nodrengt.
In mei Herz isch Ruh eizoge,
friedlich wars rings om mi her,
on mei Zörnle war verfloge,
koi Schpur gabs vom Ärger mehr.
D' Schternle spiele scho Verschteckle,
d' erschde Lambe hen scho brennt,
Wohl dem Mensche, der des Fleckle,
der des Derfle Hoimet nennt!
Leis on zfriede ben i gange,
heb me uf de Hoimweg gmacht,
heb debei an Fra on Kenner
on au an mein Nochber dacht.
On bisch au du mol ozufriede,
mürrisch, meckrisch, on net froh,
machs wie i, lass d' Erwet liege,
on hock di uff des Bänkle on!
Guck ders o, dei Heimatörtle,
rengumrahmt vom Dannegrien,
Sitz on guck on schwätz koi Wörtle,
des isch d' beschde Medizin.
Gedicht Erich Schmidl, erschienen im Buch: Auf Spurensuche - Gemeinde Neuhausen Band I. Geiger, Horb am Neckar 2001
Diesen Tradi kann man gut zusammen mit dem Multi "Rund um den Galgenberg" GC68MP1 machen.
Viel Spaß bei der Suche!
Als Owner haben wir eine Bitte an euch. Bitte loggt nicht nur mit einem "Punkt" oder einem "Smiley". Als Owner gibt man sich oft sehr viel Mühe die Listings zu erstellen, die Caches zu basteln und zu verstecken. All dies kostet Zeit und zum Teil auch Geld. Ihr müsst keinen Roman schreiben. Wir als Owner sind immer froh, wenn wir mindestens ein bis zwei Sätze als Log bekommen. Gerne können auch Smileys in den Satz eingebaut werden :-)