Denne cachen finn du (viss du er tolmodig og ikkje mørkredd) ved stien mellom Kåreviksmarka og Alnavågen. Den lokale barnehagen kallar denne staden for Blåfjell. Blåfjell er staden der blånissane bur, og vart først kjent gjennom adventskalenderserien Jul i Blåfjell frå 1999.
Ta gjerne med deg ungar hit, men dei kjem ikkje til å få tak i cachen, og barnevogna må venta nede ved stien. Du må rekna med å bli både skiten og sveitt. Eg prøvde å gøyma han på ein usynleg plass, så du må føla deg fram. Viss du kjenner noko som er laga av plast og ikkje av stein, har du sannsynlegvis funne han.
Fint om du kan logga DNF dersom du ikkje finn han, slik at eg kan sjå om det er så vanskeleg som eg hadde tenkt. Og om du skulle slumpa til å finna han, må du prøva å leggja han tilbake på nøyaktig same plass.
English:This is supposed to be difficult. Please give it a try if you want, and please share your DNF-experience if you are unsuccessful. The hint is meaningless outside a Norwegian cultural context, therefore it's not translated.