Klepp Gnr.17 - Tu Traditional Cache

Bygda Klepp har 52 matrikkelgardar og ligg ut mot sjøen om lag midt på Låg-Jæren. Strandlina i vest er på om lag 20 km. I nord grensar Klepp til Sola kommune, i nord-aust til Sandnes, i aust til Time og i sør til Hå kommune. Flatemålet er 115, 07 km², av det 14,88 km² vatn. Halvparten av flatevidda er dyrka jord.

Tu er gard nr. 17, grensar mot Frøylandsvatnet i aust, Time kommune i sør, Tjøtta i søraust, Hauge og Særheim i vest. Lalandsvegen går nord-vest og Postvegen går nord-sør. Jernbanen følgjer kanten av Frøylandsvatnet i aust.

Namnetyding: Tu er skrive ’Twff’ på 1500-talet, kjem av eit ord som er i slekt med ordet ’tuve’ og tyder ’topp, høgd’. Det synest rimeleg å setje det i samband med Tinghaug. (kilde: Stadnamn i Klepp)