Skip to content

<

Am Ousdernoubooch

A cache by Y-DOBON Send Message to Owner Message this owner
Hidden : 03/24/2015
Difficulty:
1.5 out of 5
Terrain:
2.5 out of 5

Size: Size:   regular (regular)

Join now to view geocache location details. It's free!

Watch

How Geocaching Works

Please note Use of geocaching.com services is subject to the terms and conditions in our disclaimer.

Geocache Description:


So, eds is aber amol zeid worn, dass i mein erschdn Käsch leech.
Frouchd si blous wou und wey?
A Verstegg woar schnell gfundn, wal dordn is hald einfach schee: am Ousdernoubooch.
Im Freyling bleya di Wiesn und di Bamm, di Vecherler zwidschern und is Wasser plädscherd so schee. Sugor an Bieber hammer scho ghabd.
Im Summer hammer a gscheids houchs Gros mid an haffn Babberschegg und an Gley. Dou kammer si gscheid ausrouer.
Im Herbsd wern dann di Bleeder bund und is Laub fälld nunder.
Und im Winder, na da lichd hald a Schney. Alles is weiß, wey wenn´s schlouferd.
Des is scho wergli schee dou, su ruich.

Aber der Ousdernoubooch, der kann fei a andersch:
Wenn´s nämli vil gschneid houd und wenn der Schney dann schmilzd und des a nu rengd, dann is der Booch goar nimmer ruich. Dann wird er nämmli wild.
Dann stenner di Wiesn under Wasser und di Ägger bis nüber in di Uhustrass. Dann hat di Feierwehr gansschee wos zum dou.
Aber suwos kummd ja ned su ofd vur, meisdns bloß a mol im Joar. Aber dou solld mer den Käsch dann villeichd ned souchng. Des kennt gfehrli wern.
Der Biber is schließli a widder ford.

Also, is Verstegg woar gfundn: an äm idyllischn Ord mid a bissl Hochwassergfoar.
Wos demmern eds dann nei in di Dosn?
- a Logbouch
- an Bleischdifd und an Schbidser (di solldn a drin bleim)
- a boar Dauschgengsdänd
und an sbanischn Wanderer

Dann winsch i eich vil Spass und Erfolg beim souchng vo meiner Dosn und hoff, dass eich dou a gfälld, am Ousdernoubooch.

Achjo, pargng kennder bei di Goordinadn undn odder bei der Schixe.

Falls es Verständnisprobleme gibt, schicke ich euch gerne eine deutsche Übersetzung des obigen Textes. Einfach anschreiben.

Additional Hints (No hints available.)