Se hai unha ruta con encanto en Vigo sen dúbida é a Senda do Río Eifonso, entre Bembrive e Beade. Unha explosión de natureza impresionante, vaias na estación que vaias, e unha opción moi recomendable para todos os que queirades disfrutar, en menos de 15 minutos deixarás atrás a loucura do tráfico e a gran cidade para entrar nun auténtico oasis..
Esta ruta, coñecida tamén como PR-G5 é un paseo natural de curto percorrido por bosques autóctonos, muíños e ermidas. Está ao lado da cidade e é perfecta para camiñar e relaxarse xunto ao río. Trátase dunha ruta con algo de pendente que nos permitirá internarnos por lugares cheos de natureza, onde aínda se conservan múltiples elementos etnográficos.
Este sendeiro por Vigo de curto percorrido é doadamente accesible dende o centro da cidade tanto en transporte público coma en vehículo particular. Saíndo da cidade pola avenida de Madrid en dirección a O Porriño apartarémonos en Bembrive e tomaremos a estrada a Beade. A uns 50 m da ponte que cruza o río Eifonso, está sinalizado o inicio do sendeiro, que xa nos permite ver os seus muíños e pequenos saltos de auga.
Tras superar, camiñando sempre de fronte, un cruzamento de camiños, a senda ascende progresivamente ata a ermida de San Cibrán, cun agradable ámbito para descansar antes de continuar por unha pronunciada suba e empezar a xirar lixeiramente cara á esquerda mentres se atravesa un mesto bosque e se cruza a autoestrada VG-20. É esta unha zona con numerosos camiños de carros lousados e restos de antigos poboados.
O XEOCACHÉ
Trátase de un contedor de medio litro que contén logbook e algun xoguete
Levade material de escritura
Pola ubicación a recepción GPS pode ser pouco precisa, por esto tendedes unhas fotos spoiler