Narravikjo (Beach: Narravikjo) Traditional Cache

Moster er ei av tusen øyar som utgjer kommunen vår – Bømlo. Med sjø på alle sider er det ikkje vanskeleg å finne seg ei lun vik der ein kan bade og kose seg. Me har fleire kjente badestrender, men også nokre som ikkje er like kjente. I denne serien vil me vise fram nokre av strendene på Moster. Ta med deg badeklær, bøtte til krabbefiske, litt niste og ha ein strålande dag på stranda.

Narravikjo er ei familievennleg sandstrand lokalisert ved Notlandsvåg. Det er toalett ved stien ned til stranda og plass til å grille på svaberga. Frå stranda har du utsikt til Sveio og skipsleia mellom. Det er og fine grasbakkar der det er plass til å sparke fotball eller andre aktivitetar.

Stranda blir nytta av folk frå heile Moster.

Parkeringa er omlag 100 m frå stranda. Stien ned frå parkeringsplassen er gruslagt og lett framkomeleg også om ein har med vogn.

Det er ikkje mogleg å ta seg tørrskodd fram til cachen på Flo sjø – på Fjæra er det ikkje noko problem, men det er sleipt og glatt så ein bør trå varsamt. Har du ikkje noko i mot å bli våt treng ein ikkje ta omsyn til flo og fjære for å få fatt på denne.