Grunnavågen (Beach: Grunnavågen) Traditional Cache

Moster er ei av tusen øyar som utgjer kommunen vår – Bømlo. Med sjø på alle sider er det ikkje vanskeleg å finne seg ei lun vik der ein kan bade og kose seg. Me har fleire kjente badestrender, men også nokre som ikkje er like kjente. I denne serien vil me vise fram nokre av strendene på Moster. Ta med deg badeklær, bøtte til krabbefiske, litt niste og ha ein strålande dag på stranda.

Grunnavågen er ei familievennleg steinstrand lokalisert ved Notlandsvåg.

Stranda ligg rett nedanfor Grunnavågen byggefelt. Neset utanfor Grunnavågen er utbygd med naust og ein har derfor liten utsikt frå stranda.

Du kan parkere på same plass som for Narravikjo. Stien frå Narravikjo til Grunnavågen er gruslagt første stykke, men siste del går stien ”opp i haugane” bak nausta. Det er og mulig å parkere rett ved stranda i Grunnavågen.

Du kan ta med eigen, grill, det er ikkje toalett eller bosspann, men Narravikjo like ved har disse fasilitetane.

Cachen er lokalisert litt utanfor sjølve stranda. Lettest å gå langs strandkanten.