Woidls boarische Bixn
Wei mia in da warscheinlich schenstn Eggn vo da Weid wonan (nämlich an Rupertiwinge), mechad i des mid a boa Bixn a bissal würdign und eich unsa Hoamad a bissal näa bringa.
Es wean ganz verschiedne Käsches wean. Zum oanan ganz noamale "Tradis", a boa "Multis" un sicha wean a a boa Rätsl oda nu wos andas dabei sei. Losts eich einfach übaraschn wos no ois kimd.
Ofanga mechad i mid an schenan Fleggal, an dem ma a wunderbare Aussicht in unsa Nachbarland Esdareich hod. Leida kimmt des aufm Buidl ned so sche raus, wias in Echd is. Suachts eich am bestn an schenan Dog aus, an dem as Weda klar is, dannad kinds es am bestn geniaßn.
Es kinds direkt am Vasteck parkn und zum hisitzn is a wos do.
Ois Hinweis für d Rollifahrer sei bei dera Bixn gsogt, dass es a bissal schräg zum Vasteck obe geht. I denk aba, es soit koa Problem sei, dass es hi kemmts. Schauts eich vorher as Schboila-Buidl o, do komma erkenna, wias obe geht.
Anmerkungen von mia:
-
De Beschreibungen san in da neian boarischn Rechtschreibung nach Woidl ersteid woan. Des hoasd das umgefea so gschribn woan san, wia is aussprich. Des hoasd aba a, dass es es wahrscheinlich andas schreibn dadads.
-
Da í bei dene Bixn schau, dass a für d Rollifahrer erreichba san, dadad i eich bittn, dass es de Dosn wieda a so zrug legts, wias warn (a wenns danad leichda zum findn san). Dangschen!!!
-
Hengds eich ned an oanzelne Begriffe auf und segds es wia i ois moads Gaudi, danad hobts mera Spass an de Bixn.
-
Wei wahrscheinlich scho edla von eich Probleme hobm wean de Beschreibung zu lesn hob i de Schwierigkeit (D-Weadung) bei olle um oans auffegsedst. So schwa is des nämlich ned, wemma si moi eiglesn hod.
-
Wia fui Bixn das wean woas i nu ned. Schauts einfach vo zeit zu zeit amoi noche, ob scho wida oane aussa kema is.
Dann nu habe dere und vui Spass beim Käschn!!!
Oans nu zum Schluss:
I dad mi sagrisch gfrein, wenz de Logs a in engana Mundoad schreibn dadaz. I deng des warad füa olle a moads Gaudi.