Woidls boarische Bixn
Wei mia in da warscheinlich schenstn Eggn vo da Weid wonan (nämlich an Rupertiwinge), mechad i des mid a boa Bixn a bissal würdign und eich unsa Hoamad a bissal näa bringa.
Es wean ganz verschiedne Käsches wean. Zum oanan ganz noamale "Tradis", a boa "Multis" un sicha wean a a boa Rätsl oda nu wos andas dabei sei. Losts eich einfach übaraschn wos no ois kimd.
Bei da zwoadn Bixn miasz zeasd a wengei wos doa, dasz es finds.
Vui von eich wean ned wissn, dass da Waginga See friara vui gressa woa. 1867 is da See um etwa zwoa Medda obgsengd woan, in dem ma de Götzinger Achn ausgrobn hod. Gmachd hod ma des, damid ma zum oanan mera Ackaland gwind und zum andan, dass de Engstei bei Tettnhausn schmala werd und ma a Bruckn baun hot kina.
Wos i jetza von eich wissn wui is zum oanan:
Wia vui Kilomedda is ma vorm Oblossn ganga, wenn ma imma am Ufer entlang is, bis ma wieda do war, wo ma losganga is (Des is "A" ohne Nachkommastei gerundet)
und zum andan:
Wia vui Quadradkilomedda Flächn hod da See do nu ghobd (Des is "B" mit oana Nachkommastei gerundet)
Um eich as Lebn a bissal zu erleichtern nu a boa Hinweise. De Quersumme von "A" is Neine und von "B" is Fünfe.
Wia kemts jeza zu dem Vasteck? Do miasts nu a bissal rechnen:
N47° 55.("B" * 10) - ("A" + 26) E012° 48.("B" * "A") + 237,2
I mechad eich nu sogn, wia i auf de Zion kemma bin, da i im Indanet nix gfundn hob. Es gibt von unsra Regierung a interesante Seidn, auf dera ma si Bayern oschaun kon. Um an Vergleich mid friara zum hobn, ko mo auf historische Koadn wechsln. De Seidn hod a a boa schene Weagzeig, um ebas ausmessn zu kinna. I hob damid an See mit gschätzde dausnd Punkte obgmessn und bin danad auf mei Ergebnis kemma. Da wahrscheinlich a jeda auf a bissal andere Zoin kemma wead, gehts bei da Rechnung ned so gnau. Mid a bissal Aufwand soid des a jeda schaffa.
Nu a Hinweis: Beim Ausmessn hob i so weid vergressad, bis links undn im Eggal "100m" ois Angabe gschdandn is.
Jetza nu da Link, auf de Seidn:
"interesante Seidn"
Do kinz schaun, obz richdig grechned hobts:
Ois Hinweis für d Rollifahrer sei bei dera Bixn gsogt, dass a fest gfahrne Schottastroßn hi geht.
Anmerkungen von mia:
-
De Beschreibungen san in da neian boarischn Rechtschreibung nach Woidl ersteid woan. Des hoasd das umgefea so gschribn woan san, wia is aussprich. Des hoasd aba a, dass es es wahrscheinlich andas schreibn dadads.
-
Hengds eich ned an oanzelne Begriffe auf und segds es wia i ois moads Gaudi, danad hobts mera Spass an de Bixn.
-
Wei wahrscheinlich scho edla von eich Probleme hobm wean de Beschreibung zu lesn hob i de Schwierigkeit (D-Weadung) bei olle um oans auffegsedst. So schwa is des nämlich ned, wemma si moi eiglesn hod.
-
Wia fui Bixn das wean woas i nu ned. Schauts einfach vo zeit zu zeit amoi noche, ob scho wida oane aussa kema is.
Dann nu habe dere und vui Spass beim Käschn!!!
Oans nu zum Schluss:
I dad mi sagrisch gfrein, wenz de Logs a in engana Mundoad schreibn dadaz. I deng des warad füa olle a moads Gaudi.