Norlys er ein gammal badeplass her på Jørpeland. Badeplassen har ikkje fått namnet sitt fordi det er så mykje nordlys her, men etter ein lekter som blei hogd opp her rundt 1934. På starten av 60-talet dreiv Jørpeland Turn organisert symjeopplæring her, men det var helst litt kaldt, så det var godt då ein fekk bygd bassenget på ungdomsskulen. I dag er dette ein idyllisk plass som er mykje brukt av skular, barnehagar og folk flest. Så her er det mange mugglarar, så pass på å gøyma cachen igjen. Vegen inn er utan torner viss du går rette vegen.