Området ligg i klart oseanisk vegetasjonssone og sørboreal vegetasjonsseksjon. Naturtypar, utformingar og vegetasjonstypar: Området førast til gammal barskog, med gammal furuskog. Vegetasjonen er dels blåbærskog, dels småbregneskog og på tørrare stader også røsslyng-blokkebærskog. I fuktigare parti er det i tillegg innslag av grasdominert fattigskog. Furu dominerer i tresjiktet, oftast med middels grove til grove dimensjonar. Elles er det innslag av barlind (sjeldan), bjørk, hassel (sjeldan), hegg, osp, rogn og selje (sjeldan). Både liggande og ståande daud ved er utbreidd, sjølv om det førebels ikkje er snakk om kontinuitet for dette elementet.
