Staerneching: Hüt hei dr & Lieblings_Muggel u ig nach nid ganz füf Johr d‘Letterbox vo dr Dippa abgruumet.
Leider isch die stungelangi Handarbeit vom Herr Heimlifeiss und mir eifacht zerstört worde 😢. S‘Iiflugloch, wo mier fachmännusch zue gmacht hei, eifacht uufbroche, dr Verschluss haub abgschruubet, s‘Schloss verschwunde…
Houptsach logge, egau was me drfür muess kaputt mache 😱
Vieu Härzbluet hei mier id Dippa gsteckt.
Mehreri Nomitäg si mier mit dr Frau Heimlifeiss und em AJiS do umegstieflet, hei Idee gsuecht, Frooge zäme baschtlet u dank dr grossartige Ungerstützig vor Steffi vom NLGB e würkli tolle Cache erschtellt…
Dr zweirad het üs dr wunderbar Stämpfu vo üsere chliine Wasseramsle designet…
Scho x-Mau si mier si fa flicke, drüü nöii Schlösser het ihres Dahei bruucht… Aber jetzt isch fertig. Sovieu Muetwilligkeit verträg ig nümme.
Danke liebi Dippa, dass du üs sovieu vieu schöni Erinnerige a üsi chliini Vogufründin schänksch. Meh aus hundert tolli Logs u vieu wunderbari Föteli, wo vo schöne Uusflüg dr Rot entlang verzeue…
Leider isch s’Ownerläbe nid nume rosarot…