Turområdet ligg nordaust vendt mot Bømlafjorden, og ligg i eit variert og kupert terreng. Rundløypa går blant anna via svaber, lyng og myr. Området har eit rikt planteliv og ein går langs fleire strender. I nokre av dei kan du ta deg ein dukkert om du vil.
Langs løypa passerar du og ein kolerakyrkjegard.
På det høgaste punktet i denne rundløypa kan du nyta utsikt til Sunnhordlands-landskapet i mest 360*grader. Du ser mot Sveiolandet i søraust, Kvinnheradfjella og Folgefonna i nordaust. I nord vil du sjå brutårna i Trekantsambandet, Siggjo og Stord. Og alt dette kun nokre meter over havflata.