Konvertiert, konversiert oder doch konserviert? Mystery Cache

Fuffdsisch Jahr, blondes Haar, so schdehdor for mier.
Lalala lalala, das wor dsu fiel Bier.

Oh weh, nu hammor gladdn Deggsd forgessn,
obwohl mor fier Daahche hamm dran gesessn,
'nen besondren Gruhß dsu geschdaldn.
Nu wörd's wo doch nur was aus dor Galdn.

Um wen's hier gehd, das is doch glor,
is nisch dor brahfe Schielor Oddogar.

Midd Freide duhdor sehr gern gonwerdiern
unn lässd sich dordobei gor nisch irridiern.
Or is dswor in dn Farbn dreu gebliehm,
doch sind's schdadd finf Buhchschdahm derer siehm.

Ooch Gonnwersadschion bedreibdor liebend gern,
wobei mor noch ofdmols gönn fonn ihm lern'.

So sidds mor drei an mansch scheen Daahchen,
um uns midd Rädslhaahchn abdsublaahchn.
Dordobei gibb mor uns geschwinde
fier Bier hinnor de ausgedärrde Binde.

Doch am liebsdn mag or's ja fonn hindn,
sofern or gann geen Eenschdiesch findn.

So siddsdor ooch bis weid nach dswölf unn längor
unn dordobei wörd sei Gesang bang unn bängor.
Doch de Jubelei is dann weidhin dsu hährn,
da duhn ooch de Nachborn um dswei nisch schdährn.

Garsdn duhd dor Guhdse dswor namdlisch heeßn,
abor garsdsch issor nisch desdorweehschn.

Unn wemmor ahmds um seggs nen dsinfdschn Schgaahd duhn globbn,
duhdor uns midd fier Buhm in dor Hand ä bissl fobbn.
Um siehm gannor abor scho gor nimmor lachn,
denn mor dswee lassns midd Bogg unn Gondra rischdsch grachn.

Mor hoffn, or duhd noch gans lange lehm,
drum duhn mor jeddse das Glas uffn hehm.
Sei Moddo is ab heide, nu gans glor
unn midd dor Eselsbrigge eefach wunnorbar.

u30behdu50bef
unn sinn de Oochn ooch bissl drieb:
unnor 30 bisde e heeßor Dühb.
uebor 50 bisde eefach fandadasdisch!
Mor hoffn, or bleibd noch lang elasdisch!

De Vorandwordlischn fiehr de Sauglaue uff dor Gardde sinn:

Schärelogg Hoohms (also dor Gai middm hardn G) unn unsoreenor.

Beschwerdn weehschn dor Geschengidee bidde ans Behdalabohr:

Helias (also dor Reinharf), Heigo (middm hardn G drinne) unn Johnny Gäsch fomm M-S-Diehm, Goerny (middm Dseeh forne dran), Gäsch-Bine (ooch middm Dseeh), Gähfordiehm (middm hardn G forne), Guhde Fee (dor haddn hardes Deeh middendrinne), Schoohrn, Schdeinmaahchn, Sleidaggie unn nadierlisch dor Baamaff midd seim Bliemschn!

Bitte behandelt alles mit Sorgfalt und Umsicht und verlasst alles so wie ihr es vorgefunden habt. Kraft und Gewalt richten nur Schaden an. Kritiken sind immer willkommen.
Abschließend sei noch erwähnt, dass ihr alles auf eigene Gefahr betreibt! Wir distanzieren uns hiermit ausdrücklich von den Folgen, die das Suchen bzw. Bergen des Caches nach sich ziehen können!