Mundart" Boarisch" Mystery Cache

A Stückerl Brot, des is schnell alt
Und koana möcht’s mehr ess’n.
Des dat’n grad no’ d’Hirsch im Wald
Oder de Ent’n fress’n.

A Radl, des im Reg’n verrost’,
Die Reif’n hat’s scho z’riss’n,
Ersetzt a neu’s, des ned vui kost’,
Des oid’ werd wega g’schmiss’n.

...

A Stückerl Brot bist Du ja ned,
Und waarst oans, dat’s nix macha,
Von „Alter“ is bei Dir koa Red’,
Di’ hat ma ja g’rad bacha.

Du stehst aa ned verrost’ im Reg’n,
So, wiar a gammlig’s Radl.
Statt ’rum z’steh, tuast Di’ Du beweg’n.
Da rost’n koane Wadl.