O río Uma é un afluente do río Tea pola súa dereita, á súa vez afluente do río Miño, duns 40 quilómetros de longo, que atravesa a bisbarra do Condado, no sur da provincia de Pontevedra nos concellos de Ponteareas e Salvaterra de Miño
Nace na parroquia de Uma, de onde colle o nome, que viría da raíz hidronímica prelatina indoeuropea Um- (auga), de recoñecida presenza na hidronimia galega (Río Umia, Río Mao, Acea de Ama etc).
Enmárcase na conca do Miño. A altitde media é de 59 m sobre o nivel do mar. Conta con varios muíños e pozas (ex. Poza de Cecia en Lira). Ten un couto de pesca de 5,70 Km. O límite superior fíxase no lugar de Ponte Alta, na aldea de Lira (Salvaterra de Miño), e a estrema inferior na presa de Manguiña, entre A Valboa e As Covas (Ponteareas).