Caché número #2 da serie "Roteiro por Ribela". O percorrido total é de 3,4 Kms, para facelo mais sinxelo tendes a vosa disposición o track en wikiloc (https://bit.ly/3ac8JI3), ou tamen podedes pedirmo por privado en formato gpx.
Antes de chegar a esta etapa, no campo da festa, atoparedes a Capela de San Roque (xa sen teito), e un conxunto de tres cruceiros.
O caché está a carón da Igrexa de San Xillao de Ribela. Na fachada principal, a única que se mantén da construción orixinal, atópase unha talla de San Xillao, calculase que da mesma data que a igrexa, entorno ao século XIV. A escultura representa dun xeito bastante detallado, ao santo, con cabelo longo e barba, sostendo nunha man unha ave, e noutra a empuñadura da súa espada, pendurada do cinto. Aos seus pés vese un monstro, que aínda conserva un toque da cor vermella orixinal.
O caché é de moi pequeno tamaño, polo que só contén o logbook.