12 Joohr Staerneching

Es isch irgendwenn im Mai zwöituusigzäh gsii, wo ig für mis Studium is Wäusche ha müese, für s'Sproochdiplom. Mini chliini Cousine (ehemaligsmitgliedvothehunggangakamidistaernechingakafröleinheimlifeissakajokerakaeigentlichhanidasspieligarnidgärnundbruuchedrumgarkeinname) het mi bsuecht und wos üs i dr Zimmerstung isch längwiilig gsii, het sie mier erklärt, dass sie aube mit ihrem Fründ u sire Familie so e Ort is Navi iigit und de mitm Auto nöime härefahrt u de heissts, sie müese jetzt no 300 Meter graduus laufe u de no 200 Meter rächts u de dört e Schatz sueche....

Ähä!

Nach einigem hin u här hei mier de usegfunge, wie das Spieli heisst u hei üs dört es Konto gmacht... Aagfange spontan aus "die Sternenkinder", was zruggzfüehre isch uf üse Grossvater (RIP Däddy), wo mier geng gseit het, wenn ig uf d'Idee chämi mier es Buuchnabelpiercing z'stäche de chaufi är es Riesemagnet u tüeigi mi immer mit däm aazieh. "So nes komisches Abziehbieudli chasch dr aber scho loh mache" - und so ha ig mier aus Erinnerig a ihn damaus e Stärn ufs Fuessglänk tattowiert - dr gliich Stärn wo no hüt uf sim Grab steckt. Und wieu üs das Hoochdüütsche de Mau chli aagschnäggelet het, hei miers glii Schwyzerdüütsch gmacht u drus isch "Staerneching" worde... 

Gnueg verzeut, sithär si ganzi 12 Joohr vergange...

12 Johr vou spannende Abentüür, vou tolle Erläbnis, vou geniela Uusflüg, vou Ööbe lang im Aupehoof, mängisch a drüü Tische, mängisch sogar allei. Ig bi dure Vierwaudstättersee gschwumme, dure Zugersee, über mänge Bärg gwanderet, bi 18 Meter uf Böim klätteret, i Höhline inekroche, bi tage- u nächtelang irgendwo im Nirgendwo ungerwägs gsii u ha wunderbari Ort dörfe entdecke! Ig ha so vieu liebi Lüüt dörfe lehre kenne, mit ne ungerwägs sii, Täg und ganzi Nächt verbringe, und unzähligi Schätz finge. Nid ganz siebetuusig sis worde i dene zwöuf Jahr. 

12 Joohr Staerneching - e Grund zum Fiire! 

Gärn fiir ig mis Cacher-Jubiläum mit EUCH!

am Samschtig, 4. Juni 2022

ab de 12e am Mittag (bis am 5j am Oobe)

i de Waldhüttle Edlete in Lause 
Bitte hautet öich ad Parkplätz! Wär nid guet z'Fuess isch oder vieu muess transportiere (Chinderwage oder so), darf sich bi mier mäude, de chöi mier öppis organisiere zum Ablade vor Ort... 

Mitbringe söuet dier öich säuber, euches Ässe u Trinke und vieu gueti Luune. Mier wärde es Füür parat mache, wo dier öichi Sache chöit bröötle. Alkoholfreii Getränk wärde mier o es paar aneschtelle... Wär gärn e Salat oder es Dessert zum Teile mitbringt, dä darf sich gärn bi mier mäude oder das im WA aagäh, ig tue de die Lischte do immer chli aktualisiere, drmit mier e Übersicht hei... 

Mier freue üs mega uf es tolls Feschtli mit öich! 

Staerneching und Lieblings_Muggel
und notgedrungenermasse au die Heimlifeisse, wieu die dörfe dä Spass ja au scho so lang mitmache - hihi! 

Community Celebration Events - 2020

This Event is part of a limited release of Community Celebration Events to celebrate 20 years of geocaching. Geocachers hosted events between May 2, 2020 and December 31, 2021. Learn more about Community Celebration Events on the Geocaching Blog.