Hermorschdorflied

Is kam emol e Ritter, vorbei in unnern Ort,

dan hot´s esu gefalln, dar wollt gar nimmer fort.

Ner weil der´s hier su schie fand, un Ritter Hermann war,

drim haaßen mir heit Hermorschdorf, schie knappe tausend Gahr.

Is Annel und dr Alois hom dis Lied mol drfunden,

uhm is de Hundsrick un dr Humpel dr is unten.

Rachts un links sei Felsen, dr Singerstaah, dr Knochen

de Kirch un aah is Spritzenhaus stieh mittich, musst net suchen.

Bei uns is kaaner arm, bei uns is kaaner reich,

mei Hermorschdorf is schie, rund im ne Meymühlteich.

Im Wappen springt dr Ziegnbock, drnahm e Ballen Struh,

Aah mir hom manchmol Härner, dis stimmt genau esu.

Un socht mer ze uns hamlich aah Gummistiefelland,

dis stärt uns net de Bohne, denn Bauern sei kaa Schand.

Is Annel und dr Alois .....

Mei Hermorschdorf liecht ginstich, mer ka schie sogn, zentral,

dr Kirchsteig gieht nooch Därfel, durch´s schiene Zschopautal,

de Plattenstroß, dr Hufbusch, die führn nooch Schlaate nimm,

de Kärrnerstroß nooch Geyer, aah Tarmrich macht do Sinn.

Is Annel und dr Alois .....

Un willst de unnre Haamit, uns Arzgebirge sah,

dann setz diech of dis Bankel, dort drubn am Singerstaa,

Do liecht dann alles vor dir, de Barg, is Tol, dr Ort,

wär hier emol gelabt hot, der will nie wieder fort.

Is Annel und dr Alois .....

geistiges Eigentum von Annel & Alois