A ruta de San Xoán da Cova é un percorrido liñal de 11 km pola marxe dereita do río Ulla no seu transcurso polo Concello de Vedra. O punto de partida é o miradoiro de San Xoán da Cova, para rematar na área recreativa de Cubelas logo de pasar pola aldea da Ponte Ulla, a área recreativa de Agronovo, a ponte de Sarandón e o coto de Ximonde, nun camiño trazado á sombra de carballos, salgueiros e ameneiros.
Área recreativa de Agronovo
Esta área de atópase nun meandro do río Ulla. Conta cunha carballeira con bastantes mesas, lareiras para churrasco, baños e unha zona de baño adecuada para nenas e nenas pequenos, aproveitando que neste punto as augas baixan tranquilas. Hai pequenas illas, unha ponte de madeira e nas fins de semana dos meses de xullo e agosto alúganse piraguas, o que fai que no verán sexa un lugar bastante frecuentado (ollo cos muggles!).
O caché
Está agochado bastante lonxe da auga, porque neste punto no inverno hai crecidas importantes do río.