⛪ A Igrexa Barroca
Esta igrexa parroquial, de traza barroca (séculos XVI-XVIII), destaca pola súa planta rectangular e a súa ábsida cadrada. Os seus muros brancos contrastan coas pedras do presbiterio, creando unha estampa típica do rural galego. Na súa fachada poderedes observar a figura do patrón, San Martiño, situada nunha fornela adornada.
¿Sabías que...? Durante a Guerra da Independencia, rumoreouse que o xeneral francés Ney enterrou nos arredores de Laraño un tesouro de 60 millóns de francos. ¡Atentos mentres buscades o caché!
✝️ Cruceiro do Adro
O cruceiro de Laraño é un exemplar magnífico de tipo crucifixo. Levántase sobre unha plataforma hexagonal de cinco chanzos. No seu pedestal pódense ver tallados os símbolos da Paixón. No anverso amosa a Cristo crucificado e no reverso unha emotiva representación da Piedade.
O conxunto complétase cun adro arborado, un palco da música e, no muro norte, unha fonte e un lavadoiro que falan da vida diaria da parroquia en tempos pasados.
¡Boa busca e desfrutade de Laraño!