Bild 1
Wo bin i denn?
I kenn mi nimma aus. Gestan woa i bei ana Bekannten, de hat Bsuach kobt von ana Freindin. De hat mi ständig anglächelt wia a Schneeprinzessin, i bin ganz nervös woan. Is normal ned so bei mia. I hab so tan, als wenn i's ned merken tat. Doch mit dem roten Kopf, den i kobt hab, woa des a schlechtes Schaupiel.
Naja, lange Rede, kuaza Sinn: de Zwoa ham mi eingsaftlt, bis i nimma stehn hab kennen. Redn a ned. Und, wenn i so nachdenk, a nimma denkn. Jedenfalls muaß des dermaßn ausgsetzt hom, dass i nix mehr woaß. Aufgwacht bin im mit an sauban Kater. Mitten im Kreisverkehr. Oda ises ma nua so voakemmen. Alles hat si draht.
I steh auf, des hoaßt, i woit. Hat a hoibe Stund dauat, bis es gongen is. Schau i mi um, sieg i mei Auto auf an PARKPLATZ. I geh leichtfüßig de 100 Meta umi, was ungefähr a dreiviertelstund braucht hat. I hab soviel Schwung kobt, dass i mei Auto vafeit hab. Hab i doch no oan in da KRONE. Als Beweis, dass des stimmt, hab i glei a Foto vo meiner Krone gmacht. Siehe Bild 1 (übrigens des oanzige).
Vo da hab i no amol gschaug, und in 33 Meter Entfernung (i schwör, dass des stimmt) hab i schräg rüber (188 Grad) an Bam gseng. An Hunga hab i kobt, schnapp i ma a Angel, de da zufällig umagleng is und hol ma an DOSEnfisch von 11 Meter runter. Des Blede woa nua, dass i zwor a Angel kobt hab, aba koan Dosnöffna. Hab i's wieda aufikeng. Da hengs jetzt und wartet auf an hungrigen Flachlandtiroler.