De Eekboom

Ik weet eenen Eekboom de steiht an de See

de Noordstorm, de bruust in sien Knaest

stolt reckt he de Kroon in´e Hööcht

so is dat al dusend Johr west

Keen Minschenhand, de hett em plant

he reckt sik vun Pommern bet Nedderland

Ik weet eenen Eekboom vull Knorrn un vull Knaest

op de´n faat keen Biel un keen Aext

Sien Bork is so ruuch un sien Holt is so fast

as weer he mal bannt un behext

Nix hett em dahn, he warrt noch stahn

wenn wedder mal dusend vun Johrn vergahn

Un de König un sien Königin

un sien Dochter, de gahn an de´n Strand

"Wat deiht dat för´n maechdigen Eekboom sien

de sien Telgen reckt över dat Land

´keen hett em plaegt, ´keen hett em haegt

dat he sien Blaeder so lustig röögt?"

Un as nu de König sien Antwoort begehrt

steiht vör em en junge Gesell

"Herr König, ji hebbt ju ja sunst nich d´rum scheert

ju Fru nich un ok ju Mamsell

Keen vörnaehm Lüüd, de em harrn Tiet günnt

to sehn, dat de´n Boom ok sien Recht to kümmt

Un doch gröönt so lustig de Eekboom opstunns

wi Arbeitslüüd hebbt em wahrt

de Eekboom, Herr König, de Eekboom is uns´

uns´ plattdüütsche Spraak is´t un Aart

keen vörnehm Kunst hett se uns verhunst

frie wußen, to Hööchden ahn Königsgunst."

Gau gifft em de König sien Dochter de Hand

"Gott saegen di, Gesell, för dien Raed

Wenn de Stormwind eerst bruust dör dat düütsche Land

denn weet ik en saeker Staed

´keen eegen Aart frie winnt un wahrt

bi de´n is in Noot een to´n Besten verwahrt!"

(Fritz Reuter, 1860)

NORD [ M+K-C ] [ O+X ].[ D*V+T+W ]

OST [ B-M+W ] [ L-P ].[ F*S+U+M ]

Zu diesem Cache:
Hier handelt es sich um einen Kletterbaum, welcher nur mit entsprechender Ausrüstung erreicht werden kann. Der sichere Umgang damit sollte ebenfalls vorhanden sein.
 

Kein Cache der Welt ist es wert, Leib und Leben zu riskieren.
Ihr handelt auf eigene Gefahr!