Lust auf Eis? Mia imma!
Der Sommer is voabei? Na, sicha ned! Und wenn scho - Eis kamma imma essn, schleckn, genießen.
Mia ham voa a poa Joa amal a Event kabt, wo ma des tolle Eis in da Theresien-Straßn gschleckt ham. Den Namen deaf ma ned song, aba jeda woaß, wer gmoant is.
Mia tatn des gean wieda machn mit eich. Uns stöat des, dass ma nimma so oft bei eich san, also weads Zeit, dass ma wieda amol redn üba Geokäsching. Und außadem intaressiats uns, wias eich geht a so.
Also, des is a intanazionales Treffen von Profis und Anfänga ana Gemeinschaft, de ziemlich eingschworn is, fanatisch teilweise, höxt professionell größtnteils und voa allem freindschaftlich vabundn. Größtenteils. Zu 99,5 %.
Mia tatn uns treffn am
22. Septemba
um 17:30 Uhr
bei da Säule da Anna
|
Es kennts eicha Eis natürlich übarall kafn, oder a goa koans. Am bestn isses aba glei bei da Anna. Es habs ned weid. Peilen kennts a, wenns woits. Aba i glab, es finds, was es habn woits a ohne Koordhosn.
Weas no ned woaß: des is a Geokäsching-Vaonstoltung von und füa Geokäscha. Es wead woascheinlich ned ausbleim, dass ma üba Geokäsching ren, de Deitschn song diskutian, mia ren mitnond. Es kennen a TBs und Coins auf a echte Reise gschickt wean, entdecken von 6stelligen Zahln geht natürlich a.
Zu Corona (ned Bia):
schaugs söba nach im Netz, wos momentan güt. Is unsara Meinung no nix voagschriem. Aba des kann si ja jedazeit ändan. Wenns so is, dann song mas eich no.
Vü Spaß! |
A Vaonstoltung vo  Fred Bull  and luzzi-reloaded  2022 |