Na cidade vella de Betanzos, entre a Porta da Vila e a Ponte Vella encontramos a Rúa dos Prateiros. Sinalamos este punto en concreto por unha polémica do ano 2022, cando unha das baixantes de fundición da rúa aparece chea de cores.
De forma tradicional, do mesmo xeitos que as fachadas das casas, as cubrebaixantes dos cascos históricos poden levar certa gama de cores aprobadas por Patrimonio. A artesá que pintou esta peza de fundición actuou baixo o seu criterio, considerando que o mal estado da mesma requería unha intervención. Moi pronto a veciñanza fixose eco da noticia e a policía non tardou e acudir a porta da xoiería. Todo quedou nun aviso e, un ano despois (2023), seguimos vendo este inusual toque de cor na cidade vella.
Este acontecemento abriu o debate sobre o estado das cubrebaixantes, producidas a finales do século XIX e durante o século XX, neste caso na fundición Fernández da Coruña. En moitas delas non se distinguen os motivos decorativos, están cheas de ferruxe e precisan un repinte. A única cuestión é, ¿de qué cor?