Treff ma si amoi am 1.3., denn am 29.2. treff´n si eh scho so vü ;-)
Noch dem Treffen am 1.1. 24 in der Eishalle in Amstetten (danke, liebe EngelSu fürs Organisieren) und dem Kaffeetratscherl am 1.2.24 in der Cafeteria im LK Scheibbs (danke fürs zahlreiche Erscheinen) hob i fia den 1.3.24 das Dorfcafé in Hofamt Priel ausgwöht.
Wei ma an Freitag Abend voi guat in an zwaunglos´n Lokal in da Homezone mit hoffantli gaunz vü liabe Cacher verbringa kau. Woarm is, freindli sans, zum Tringa und Ess´n gibts a wos und Plotz homma a gnua ;-) Ma muas natürli nix Essn oder Tringa, damit ma am Event dabei sei kau, ma dearf a afoch so kuma, si ins Logbiachl eitrogn und trotschn.
Des Logbiachl wird vo 18 Uhr bis 20:00 Uhr auflieg´n!
Parkn kau ma do a gaunz guat und de ane oda aundare Dosn liegt jo do a in da Nähe.
Tbs, Coins und wos ma nu ois so fias Cach´n haum, nemma mit, zagn ma her und kimma tauschn.
I gfrei mi!
Wer dabei sei wü, soit si bitte so fria wie mögli aumödn, damit i weiß, ob ma den Wintergoartn fia uns brauchen oda ob ma afoich im Cafe san...