Laxe dende a ventá - Capela de Santa Rosa de Lima
Na comarca de Bergantiños, no punto máis alto de Laxe, atopamos unha estructura artificial cilíndrica de pedra cuberta por cemento que nos chamará a atención. Trátase dos restos dun antigo muiño que aproveitaba o vento da Costa da Morte para a moenda do gran.
Este muiño foi construído por Manuel Ramos Mesía, quen explotou este muiño entre os anos 1924 e 1934, ata a chegada da electricidade. Xunto a este muiño, tamén había unhas dependencias próxima empregada polo muiñeiro para gardar a fariña moída e os animais que transportaban o gran ata o máis alto do monte Cornaceiras.
Unha vez que se deixou de empregar o muiño para a moenda de gran, o propio Manuel empregou as pedras da dependencia do muiño para a construcción en 1941 da Capela de Santa Rosa de Lima, que se atopa moi preto da Cruz do Navegante, que xa existía dende 1676 e que foi construída por un navegante en promesa por unha viaxe a Perú, e do que se dí que baixo a cruz se esconde a reliquia da santa peruana.
A capela de Santa Rosa de Lima trátase dunha edificación sinxela de cor branco e celeste que presenta na fachada unha porta apuntada e está coroada por unha espadaña con unha campá. Por debaixo desta, atópase a imaxe de Sta. Rosa cunha inscripción que pon "Capilla de la Santa Cruz de la Rosa", en referencia a Cruz do Navegante. Dentro da capela atopamos distintos exvotos de barcos colgados do teito e imaxes que representan a Cristo crucificado, a Santa Rosa cunha gran cruz á espalda e a Virxe de Fátima. Na parte traseira da capela, engadiuse un pórtico en 1995 cun pequeno altar para a celebración do 21 de xullo da Cruz da Rosa e o 30 de agosto na honra á mesma Santa Rosa.
Donde se esconde o caché, nos restos do antigo muiño, achéganos ó punto máis alto da vila de Laxe, convertíndose nun espectacular mirador.