L' VIEUX MINEUR
L'œil éteint, s' vieill' piau tout' jonne,
I n'est point gai, l' vieux mineur !
Eun' fichelle artient s' marronne,
Et cha n'annonc' point l' bonheur.
I démeure avec és fille ;
Ch'est li qui soign' les infants,
Il touille el' soupe éd'sus l' grille,
In bertonnant d' timps en temps.
I s'imbête, et cha l' tracasse,
Il n' peut pus sarcler s' gardin.
Quand el' pauv' vieux i s'abasse,
S' tiête all' tourn' comme un moulin.
Etr' toudis dins s' bac à chintes...
Incor s'il sarot marcher,
Il irot boir' des bonn's pintes !
Mais i pourrot s'écrouler...
I n'oubli' foque és' misère
Qu' quand ses infants sont tertous,
L' soir, à l'intour dé s' kaïère,
Et qui lieu parl' des grisous.
Il a tout vu dins les fosses :
Ses sauv'tag's i sont curieux.
Leus cœurs palpit'nt, les tiots gosses,
In acoutant l' pauver' vieux.
In v'not l' quère à chaqu' minute
Quand arrivot d' z'accidints.
Combin d' cops i-a fait la lutte
Avec l' grisou grign'-dints ?
Il a tell'mint des blessures,
Qu'in n' sarot pus les compter.
Il est couvert ed' coutures,
Pir' qu'un ancien guernadier.
Si cha s'rot parmi l' mitralle
Qui s'arot si bien conduit,
Il arot d' pus d'eun' médalle ;
Mais il s'est battu dins l' nuit.
Va ! consol-té, brav' Batisse :
Les rubans, t' les a d'sus t' piau.
In vot bien qu' t'as du service :
T' carcass', ch'est un vieux drapeau !
Ces doux mots et ces rimes croisés sont l'oeuvre de notre célèbre poète mineur : Jules Mousseron. Descendu à la mine à 12 ans, en 1880, il profitait de son temps libre pour écrire des poèmes. Son oeuvre est exposée au musée municipal de Denain. Il a aussi à l'origine du géant de la ville : Cafougnette, personnage haut en couleurs sorti de sa plûme.
Vous êtes en ce moment même en face de sa maison, son coron : petite maison de briques rouges avec un jardinet. Faites en le tour... on ne sait jamais ce que l'on peut y trouver ...
Bonne chasse !